bilbo-e-gandalf venetianblog

Che i hobbit fose poco sveji lo se saveva. Tolkien par quanto benevolo nei confronti del popolo de la Contea del Signore dei Anei, ne ga fato capire che i gera un insachetà. Ma adeso ghe nemo la prova, dopo l’episodio curioso de Roncade. Uno dei atori del film, un inglese, za protagonista de Eternity e Lo Hobit, per l’apunto, el se ga imbriagà e inveze de entrare ne l’albergo de Roncade, fàto come na sìmia, l’è entrà in te na casa privata. La paròna, forse insemenìa anca quèla, el giorno dopo la se lo ga visto vegner fòra dal bagno mezo nudo. A quel punto, inveze de domandarghe, la gà ciamà i Carabinieri, che na volta rivà, i gà risolto l’enigma (e qua a semo a Sherlock Holmes). La dòna, capìo cossa gèra suceso, non la gà sporto denuncia.

Se scopre però che questo qua, l’è proprio rincojonìo. In aereo, rivando in Italia, una valigia ghe sè cascà in testa e i lo gà portà al’ospedale (desso… disìne voialtri a quanti ghe capita ste robe). La sera che el se gà sbaglià de casa el se gà imbriagà cossì tanto che i so amizi i lo gà caricà in te on taxi (sveji anca queli). Lù se ga fato lassare per strada e el gà sbaglià la porta.

Fortuna che nol gà catà Gandalf, perché se el lo vedeva e lo ciapava a s-ciafòni sul muso.

(va a la pagina Facebook per restare agiornà!—> VENETIANPOST)