Come sempre analizemo le notisie più inutili dela setimana. Mentre el virus ebola se difonde e teroriza metà dei Stati Uniti, mentre Renzi disendo che abasa le tase…aumenta le tase, mentre se discute de articolo 18 e i profughi continua a rivare, qualcun ga avù el corajo de publicare alcuni titoli da baretòni. Difisile segliere sta setimana. I titoli stupidi sè a lo steso livello.

1) Alessia Ventura: ‘Go un nòvo amore. E non l’è un calciatore!’
Senza comento… scrivi voialtri perché ne manca la voja

2) Illary Blasi e Silvia Toffanin se ferma in autogrill
La domanda sè: a fare cossa? novo lavoro?

3) Na hair stylist del Seattle se dà el colore a le ascelle per protesta
Questa notizia ma sopratuto el sogeto sè da ciapare a s-ciafòni. Na volta se protestava col siopero dea fame, fasendo qualche manifestaziòn, adeso basta esere insulsi e farse qualche selfie

4) Eleonora Cadeddu è cresciuta. A 19 ani deve siegliere: medicina o recitazion?
Mi la mandarìa a vendemare sui Colli Euganei, oppure a tirar su scovazze a Mestre… se accetta sugerimenti…

5) Mara Venier ammette: “Go barufà con la Ventura”
Ben… semo contenti. Speremo solo che ve si scambià qualche stramusòn (catana, atola, s-ciafon, etc…).