import-export venetianpost


Puntuali ariva i dati del’Istat su le esportazion italiane. Ghe sè chi che va ben e chi che va male. Nel compleso, considerando che semo in braghe de tela tuti quanti, se poe dire che l’esport sè l’unica roba che rassicura. Benon le province Venete che come sempre le sè le più alte il classifica. Vicenza resta la terza provincia italiana per esportazion, la mejo in raporto ai abitanti.
Primo posto per Milan (18.331 milioni de euri nei primi sei mesi con un calo del 3%)
Seconda Torino con 10.544 milioni e un aumento de l’8,5
Terza Vicenza con 8.022 milioni e un aumento del 4,9
Quarta Brescia con 7.112 milioni e un aumento del 3,9
Setima Treviso con 5.349 milioni e un aumento del 4,4
Decima Verona con 4.642 milioni e un aumento del 2,3
Tredicesima Padova con 4.228 milioni e un calo del 3,6
Fora da la Hit Parade le altre venete…