Ghemo deciso de elencarve le notizie che xè sta sparà da diverse testate giornaistiche e che quando che ve xè capità per vostra sfiga de lezerle gavì pensà: e chi casso se ne frega??? Lo pensa tuti ma nesuni lo dise.
Al primo posto metèmo Belen, bea tosa ciò, ma de queo casa sua, in giro, co so moroso, co so fiòlo, cossa che la compra… in poche paròe povere, no ghe ne sbate na maza a nisun:


1)Belen fa shopping con la so nòva borsa Birkin che ghe ga regalà Stefano (I giornali titolava : “guarda le foto”, noi rispondemo: “non vardo un casso!”
2) Aida Yespica festegia Roger Jenkins dopo che lu la gà tradìa, fra i du xè tornà el vero amore (Sticassi!)
3) Floriana Secondi ex del grande Fradèo se ciàpa a cazòti con un transesuale de Roma che se ciàma Manila Gorio (la vera notizia xè che xè quasi imposibile capire chi che gèra l’omo)
4) Luigino Berlusconi pranza con gli amici (Ah sì? gheto magnà ben? bravo… un café? na graspa? copate!)
5) Justine Mattera mostra le tette per la prevenzion del tumore al seno (brava, ma poàreta, no te ga cagà nesuni)
6) Michelle Hunziker a pasegiò con Tommaso e Sole (brava, benon, ciao)
7) Rosita Celentano e il compagno Vairo va a magnare al ristorante turco (Obama e l’Unione Europea xè rimasti un po’ scossi, can da l’ostia)
8) Dolce attesa per Marica (Bravi, ma chi cazo xea Marica? quea de Ramazoti? una qualunque? la badante de me nòno?)
9) Pranzo a Roma per la Pascale (Almanco vedemo cosa che la mete in bòca)
10) Seredova a pranzo con un amico (Ben, e lòra? chi xèo, cossa vollo?)