Fra le oferte de lavoro de sta setimana ve ne segnalemo una che merita interese. La regina Elisabeta II serca na domestica pa la so residenza di Edimburgo.  Fra i vari compiti la gavaria anca queo, secondo le indiscresiòn, de cavàr via le ciùghe (chewing-gum) che qualche visitatore onto lassa ne la casa, perché Holyroodhouse Palace oltre a esere la residenza ufficiae de a Regina xè anca una attrasiòn turistica de primordine. Tipo Gardaland, 250mila visitatori al’ano. Ma quanto ciaparissea sta domestica de stipendio? Circa 15.912 sterline (20.428,27 euri) al’ano per 20 ore settimanai de laòro. Quanto a stacare e gome, pare che sia el punto 14esimo dei compiti che la gavarìa da svolgere. Dopo la dovarìa spolverare vasi, argenteria, mobili, fare i leti, lucidare le scale, pulire i bagni…perché… i dise, che anca la Regina vada al gabinèto ogni tanto.