Meno tasse? Vardè qua un po’…

Meno tasse? Vardè qua un po’…

Pensavi che, su la base dele sparade de Renzi, le tase le stese calando? Eh no! cari… ma sicuramente ve ne si acorti. Lasemo stare questa volta i privati citadini e prendemo in esame i imprenditori. Rispeto al’ano scorso le tase sui capanoni, intanto le aumente. E, per dirla tuta, in 14 ani, le tase le xè aumentà del 190%. Stavolta la IMU e la TASI le xè micidiali, insieme. In 3 Comuni capoluogo su 4 la va male. Le cità che sta pezo in Italia xè Pisa (+ 31 %, aumento medio de 791 euri), Brindisi (+ 18 %, +231 euri) e Treviso (+ 17 %, +321 euri). In sostanza nei ultimi ani l’aumento xè spaventoso. I sindaci dei Comuni, per quanto posibile, ga zercà de stare calmi, ma… senza risultati a quanto pare. Se ga pensà de non penalizare le case principali, ma le seconde terze case e i ‘imobili a uso strumentale’ (capanoni) In un altro capitolo prendaremo in esame i altri aumenti. Ga da prepararse quei pòri tosi che ga aperto la partita IVA ai minimi. Altro che minimi, da l’ano prosimo el governo voe far pasare l’aliquota dal 5% al 15%. Ala facia dei zovani…

Venetian