nuove dieci euro venetianpost

Cominzia a circolare da ogi la nova banconota da 10 euri, de la serie ‘Europa’. Come speso acade, l’introduziòn de novi pezi de carta moneta portarà a qualche disagio, tanto che le asociaziòn dei consumatori ga mandà una interogaziòn a la Banca d’Italia perché la daga certeze ai citadini e sopratuto che la verifica che sta nova moneta la venga acetà senza disagi par i citadini. Basta ricordarse quea da 5 euri, che ga comincià a circolare nel mago del 2013. Problemi a non finire. Intanto se scopre che in Veneto almanco la metà dei distributori de sigarete e dei bancomat dei benzinari non xè adeguà. Anca nel 2013 le machinete de tuti i tipi non gaveva agiornà el software e alora salvate mondo. Benzinari e tabacari, distributori de cafè e snack, farmacie e colonine del parchegio. Insoma, la Banca dovaria verificare prima la reale posibilità de utilizo dei novi schei e pensare anche a un rinvio dela mesa in circolazion se tuto non sè a norma… Insoma, spetemose le solite robe al’Italiana….