bandiera scozese


Che suceda na roba così in Italia non sè gnanca da pensare. Dopo centinaia de ani, con una regina che non more gnanca se te la copi, la Scozia vota par l’indipendenza. Che a la fine vinza i sì o i no non importa. L’importante per i scozesi sè sta rivare a quel punto. Noialtri in Veneto ghe ne savemo qualcosa. I nostri referendum vale meno de un skeo da tre euro. Non per l’idea, ma per l’efeto istituzionale che i pole avere.
In poche parole da le 7 del matin ale 22 i scozesi ga da rispondere a questa domanda: “Dovaria la Scozia esere un Paese indipendente?”. E la gente pole crociare sì o no. Ga dirito de votare tuti i residenti compresi i tosi de 16 e 17 ani. Ale 7 de doman se sa i risultati. El 97% dei scozesi ga deciso de votare, 4,3 milioni di persone. Stemo a vedere