El titolo de veneti più sporcaciòni, o ònti che dir se voja, questa setimana va ai Vicentini. A parte le notizie che filtra dal Tribunale su filmini hard e ricatti vari, ariva anca la notizia de un maniaco da impermeabile che se dà ala pratica dela masturbazion publica. Primo caso lunedì sera verso le 20 e 30. In zona Stadio na dona che stava rivando casa tuta tranquila, proprio soto el glorioso Menti la ga visto un omo e, la ga contà dopo, questo la vardava co lo sguardo ruspio (minaccioso). Alora la ga pensà de caminar più veloce e l’omo, invese che rubarghe qualcosa, el se ga cavà i vestiti e el gà comincià a masturbarse. Oviamente la polizia, che la xè sta ciamà, non la ga trovà nesuna tracia del maniaco. Nesuna tracia, gnanca organica, agiungemo noialtri.

Ma a quanto pare robe simili xè capità anche in una zona vicina, a Parco Cità. Stavolta ghe xè do testimoni che i ga visto uno tocarse. Stavolta però i do testimoni ga parlà de do persone diverse. Quindi i maniaci xè due, se non tre. Uno infati gavaria sui 20 ani e l’altro sui 70. Insoma, se andè a Vicenza stasì atenti. Opure godìve lo spetacolo. Insoma, fasì quel che volì.