vigneti veneto venetianpost

I poe dire de tuto trane che noantri Veneti non semo boni de fare el vin. Pensè che nei primi sei mesi del 2014 semo i campioni de esport de vin e aumentemo la nostra percentuae su l’esport nazionae.  Semo passà dal 31,5% al 32,3%. Praticamente un terzo dei botiliòni e de le botilie de vin che parte da l’Italia le xè prodote in Veneto. E semo ancora più bravi perché, come che fa notare la Region Veneto, questo sucede in un periodo in cui la Spagna xè colpìa da una crisi de sovraproduziòn de vin (in sostanza i ga cagà fòra dal vaso, per dirla col Leopardi). E non finisse qua. La nostra regiòn la xè sempre in zerca de nuovi mercati come par esempio la Cina e proprio sta setimana che xè sta una mission economica regionae a Pechin, Nanchin e a la Fiera agricola de Yancheng. I nostri vini provien da 77.500 etari dedicà ale vegne, con 27 aree a Doc e 14 vini a Denominazion de Origine Controllà e Garantia.

(Pagina Facebook per restare agiornà!—> VENETIANPOST)